Destacadas
O máis recente
Séguenos en Facebook
Facebook Posts
Esta partitura recolle "Unha noite na eira do trigo" na versión realizada por Alonso Salgado. Contaba Curros que a melodía do seu compañeiro de cuarto (o mesmo Alonso Salgado) lle inspirou unha letra que acabou titulando "Cántiga" pero que pasou finalmente a ser coñecida popularmente como "Unha noite na eira do trigo". É polo tanto esta a primeira pero non a única xa que Juan Montes realizou outra que é quizáis a máis reproducida.
O ESCULTOR MANUEL BUCIÑOS, GALARDOADO CO XXXIX PREMIO “CELANOVA, CASA DOS POETAS”![]()
![]()
O xurado do premio “Celanova, Casa dos Poetas”, presidido por Antonio Puga Rodríguez, logo de teren deliberado sobre as propostas internas presentadas e valoradas as súas traxectorias vitais no campo da defensa da cultura galega e de Galicia (tal e como recollen as bases), por unanimidade acordou resolver o que segue:![]()
Concederlle o XXXIX Premio “Celanova, Casa dos Poetas” a Manuel García Vázquez, coñecido artisticamente como “Manuel Buciños”, pola súa longuísima traxectoria no cumio principal da arte escultórica galega, como transformador que ten sido das formas lisas e apacibles da madeira, o bronce e a pedra, que se mimetizan subliminalmente coas da nosa propia orografía das nosas serras e das que emerxen figuras que transmiten sensibilidade e harmonía dun xeito tan personal que resulta imposible admirar algunha das súas obras sen exclamar interiormente: “Esa é de Buciños!”![]()
Manolo Buciños, aínda que acabou convertendo o nome do seu lugar de nacencia –é dicir, a aldea de Buciños (Carballedo – Lugo)- no seu propio apelido artístico, por decisión propia e comprometida é hoxe en día un ourensán máis que ten contribuído a elevar a arte escultórica ourensán ós máis altos niveis de calidade da escultura galega.![]()
A Fundación Curros Enríquez mantiña, sen dúbida, unha eiva aberta sen a presencia de Manolo Buciños no cadro de honra do seu Padroado e quixo saldala definitivamente neste ano no que se cumpre o centenario da declaración da Capela de San Miguel como Monumento Histórico Nacional, coa incorporación do autor da fermosísima escultura do fundador de Celanova, San Rosendo, a ese prestixioso cadro de honra.![]()
--![]()
![]()
O Padroado da Fundación Curros Enríquez reuniuse coa presenza de representantes do Concello de Celanova, da Consellería de Cultura, Educación, Formación profesional e Universidades, da Deputación Provincial de Ourense, da Real Academia Galega e outros patróns a título individual, co fin de aprobar as contas e actividades de 2022, planificar as actuacións para 2023 así como acordar o orzamento anual que aportan en distintas proporcións algúns dos patróns institucionais como o Concello de Celanova, a Deputación Provincial de Ourense e a Consellería de Cultura. Con esta reunión tamén se renova o compromiso de colaboración na organización de actividades conxuntas a nivel expositivo ou de promoción dos autores de Celanova por a parte de aqueles patróns que non aportan cantidades concretas ó orzamento ordinario da Fundación como o Consello da Cultura Galega, a Real Academia Galega e Universidades da Coruña, Santiago de Compostela e Vigo. ![]()
![]()
Como valoración do ano 2022, destacouse ás máis de 13.700 persoas atendidas pola Fundación Curros Enríquez, resultado motivado nas actividades e servizos que a entidade desenvolveu en diversos lugares como son a Casa dos Poetas, o Mosteiro de San Rosendo e a Torre de Vilanova dos Infantes e que volven ós resultados de antes da pandemia. Destacando en especial a recepción de case máis de douscentos grupos concertados entre escolares, asociacións e axencias de viaxe, entre os que destacaron a presencia de grupos de escolares de primaria e infantil para os cales se adaptou a oferta creando, entre outras iniciativas, un contacontos con órgano e promovendo o xogo de pistas na casa familiar de Manuel Curros Enríquez.![]()
![]()
Ademais de retomar o programa escolar “Ven coñecer a Celanova de Curros e Celso Emilio”, a Casa dos Poetas acolleu xa normalmente exposicións, presentacións de libros, conferencias e proxeccións que enriqueceron a proposta cultural da vila ó longo de todo 202. A mesma liña de actividades vaise manter para o 2023 no que novamente se realizarán presentacións de libros, acolleranse exposicións temporais, terán lugar celebracións de eventos relacionados co mundo literario, musical e audiovisual e de actividades para os máis pequenos da vila como obradoiros. ![]()
![]()
Durante este ano prevese manter o excelente resultado en canto a visitantes que rondaba os 10.000 anuais, do cal é unha mostra os 50 centros escolares que xa teñen soicitada a súa participación no programa “Ven coñecer a Celanova de Curros e Celso Emilio”. Pensando nos escolares, ademais do crecente interese polas actividades de natureza como é a realización de roteiros, prevese que en 2023 se redefina a “Ruta Currosiana” cuxo trazado se vira afectado tras a construción da autovía. Tamén se tomará un ímpulso na edición da obra de Manuel Curros Enríquez para a súa divulgación.
Compartimos imaxes das visitas escolares que tivemos neste inicio de marzo. Participaron no programa escolar "Ven coñecer a Celanova de Curros e Celso Emilio" o IES San Tomé de Freixeiro de Vigo, o IES Monte Castelo de Burela, O IES Illa de Sarón de Xove e o IES Alfredo Brañas de Carballo. Graciñas pola vosa visita a Celanova!!
viajes.nationalgeographic.com.es/a/los-pueblos-de-ourense-que-multiplican-la-belleza-de-la-galici...
Los pueblos de Ourense que multiplican la belleza de la Galicia Interior
viajes.nationalgeographic.com.es
Delicioso! Precioso poema, magníficas ilustracións e felicitacións á editorial Galaxia por esta publicación.![]()
Esta semana incorporamos "O maio" co poema de Manuel Curros Enríquez e ilustracións de Blanca Millán á biblioteca da casa familiar do poeta celanovés.
Este sábado día 5 de xuño pola mañá:
Acto expansivo. 25 anos Lois Pereiro. Lectura de poemas en Celanova
www.fb.com/FundacionCurrosEnriquezCelanova
