Xacemento arqueolóxico no que atopamos, á vista, máis de 70 estruturas circulares e cadradas xunto a unha muralla. É un dos castros máis relevantes do noroeste peninsular pola súa longa presenza no tempo. Estivo ocupado durante unha etapa prerromana; despois, experimentaría unha intensa romanización. Neste castro, acháronse en excavacións arqueolóxicas pezas únicas como un trisquel calado, unha “tabula”de hospitalidade, unha curiosa figura zoomorfa e un conxunto de moedas do século I d.C. A zona máis alta do castro está a 732 m sobre o nivel do mar e dende alí contémplanse vistas panorámicas de gran parte da provincia de Ourense.

Complementa a túa visita

Preto do xacemento, creouse hai pouco tempo o poboado “Coelia Nova”, unha reproducción dunha parte do asentamento castrexo orixinal. Conta cunha decena de estruturas.

*Reconstrución poboado